ليه ؟؟

انا اكتر انسان في الدنيا بيحب الجيش ... بس مش عارف ليه حاسس اني بكره المجلس

ليه الجيش مش قادر يفتح كنيسة او يقبض علي محرضين و جناه ... اين اليد الحديدية
طب ليه بنلاقي الايد الحديدية مع االي اتظاهروا قدام السفارة الاسرئيلية طالما معملوش حاجة غلط
طب ليه رامي فخري اتقتل؟؟؟
طب ليه لما طالبنا بدستور جديد استفتيتوا علي الدستور القديم .... استفتينا علي 9 مواد نزل اعلان دستوري ب63 مادة
ليه حاسس ان الحكومة ضعييييييفة جداً ... احنا عايزين حكومة ثورية مش حكومة ثورة
ايه صحة المقولة بتاعت ان هناك حكومة تظهر لا تدير و جيش يدير ولا يظهر
ليه اكلنا و سولارنا بيتهرب ؟؟
ليه سرور براءة ... عزمي براءة ... سوزان براءة ... شهاب براءة ....انا خايف الثوار يتحاكموا بتهمة البلاغ الكاذب
وليه سبتوني وحييد و سحبتوا نفسكم من كل حتة و خصوصا من قدام البنك المركزي في وسط البلد
ليه الثوار يعملوا ثورة للحرية و المجلس يمنع نقده
طب ليه اللي بياخدوا الحرية ناس تانية
طب ليه ماقلتولناش في ودننا انكم هتعملوا انقلاب عسكري كده
ليه تم تجميد نبيل العربي في ثلاجة جامعة الدول العربية
ليه ادافع عنكم باستماتة و بعد كدة واحد يفكرني باللي بيحصل معرفش ارد عليه
ليه ساكتين علي مسلسل اختفاء البنات السخيف ده
ليه كل شوية تمسكوا نشطاء
ليه مبارك مش في طره ... خايفين لا يقلب الطاولة ... خلوه يقلبها .. و لو في حاجة تخصكوا كده ولا كده هنسامحكوا
امننا اهم من اكلنا
و حريتنا اهم من الاتنين
مبارك اديناله رساله عت طريق عمنا ااحمد فؤاد نجم .. و قلنا .. انسي اللي فاتك هننسب الآسيه
هو منساش .. ولا احنا نسينا .. و مش هنعفوا عنه ... احنا بيننا دم !
الرسالة دى دلوقتي بنبعتهالك !
الكورة في ملعبك ... و احنا اقوى
و مصر عمرها ما هتبقي الاستثناء الوحيد في تجربة التاريخ
                                                                                              والله الموفق و المستعان

P.s : e7na nazlin 27