انا لا أعترف إلا الموت أو الإبتسام :)

يا عم انتا تعرفني ؟؟ ايوة تعرف حياتي عاملة إزاي ؟؟

تعرف إني كنت في مسيرة دار القضاء 2003 مع جورج إسحق ؟؟ و خلصنا و اتلمينا كلنا .. و كنت معاه في 2004 بس مبقيناش بنتلم :) بقينا بنطلع من نفسنا عالبوكس
2005 كنا مع أيمن نوور .. قلت يسقط مبارك .. بس محدش سمعني .. كان صوتي واطي ؟؟ ولا الناس مكنتش بتسمع
قلت لأ لتعديل الدستور .. و عسكري ضربني بشومة علي دماغي .. و لقيت واحد من بتوع المطافي إبتسملي .. و فتح المياة في وشي :)
و كنت جعان قبل كده فكلت من الأوبن بوفيه :) الزبالة :)
كنت علي بورش برج العرب مع باسم فتحي .. كتبت رسالة زي اللي كتبها بالظبط :)
كنت بعمل مظاهرات في الجامعة كتير جدا :) و بسقط في انتخابات إتحاد الطلاب بالتزوير .. و مت قبل كده في حضن ابويا علي فكرة :) و نزلت في مظاهرة كبيرة و رفعت صورتي و عيطت عليا و قلت ربنا ياخدكو يا صهاينة يا ولاد الكلب
و كنت قاعد في السايبر و جم اتنين يفتشوني و مرضتش :) و موتووني .. بعد ماموتووني كنت همووت :'( .. و شفتني و انا بقول عليا في يوم من الايام ده عيل حشاش مايستاهلش .. و عيطت اكتر اني قلت كده .. شفتني و زهرة بتعيط عليا .. شفت امي صحيت مخضوضة و بتشوفني في سريري ملقتنييش :) مش عارف هي كان في دماغها إيه ساعتها .. يمكن كانت فكراني ماموتش .. يمكن كانت حاسة ان ده كابوس و هتصحي تلاقيني لسه ماجتش :)

و يوم كنت رايح الصعيد و مكنش معايا فلوس .. ركبت قطر عادي :) .. وعلي اخر الرحلة بقيت وجبة كباب .. قالولي ان كانت ريحتي حلوة و انا متفحم و يأست من دي بلد و هربت .. بس مت تاني في العبارة .. كنت بصرخ و بقول حد ينقذني .. مبعرفش اعوووم .. قعدت اموت في ربع ساعة .. قلت يا رب مد إيدك انقذني .. و دموعي اللي نزلت ساعتها كانت ممكن تغرقني اصلا :)

ساعتها أهلي نسيو يدفنوا جثتي :) .. كانو بيتفرجو علي ماتش مصر و كوت ديفوار :)
بس انا مسكتش .. و عملت مظاهرات عن كل ده
و قبض عليا هشام العراقي .. و كلني بالأقلام .. و كنت عايز اعيط بس قلت مش هضعف قدامه .. بس عيطت .. صعبت عليا نفسي .. بس هو كان فرحان .. و وداني للكومي و سامي سيدهم .. و عسكري اتحرش بيا جنسيا .. عسكري من اللي بنزل عشان اشوفهم في يوم عايشين عيشة آدمية :)
و كنت بلم زبالة و بأكلها للخنازير قبل كده :) .. بس قطعو عييشي .. اخترعو مرض مخصوص عشان يضرووني

و كنت قاعد في إجتماع قبل كده و خدنا قرار اننا مش هننزل انتخابات مجلس شعب 2010 .. بس احمد عز كان مراقبني .. و أول مامشيت من الإجتماع كلم كل اللي كنت معاهم و وعدهم بكراسي و كلهم نزلو الانتخابات .. و كنت براقب عالأنتخابات .. و خدت مطوة في وشي :) و كلهم انسحبو من الانتخابات أخر النهار :) .. بعد ما حسو بالقفا اللي خدوه

و مرة كان يوم عييد و انا خارج من الكنيسة مع اصحابي شفت الكموني .. قام طلع رشاشه و قتلني .. اللي ضايقني انه مابتسمليش زي كل اللي موتوني قبل كده :)

و تاني يوم في الكنيسة بلييل برضه .. راس السنة .. كنت محوش فلوس كتييير عشان اجيب إزازة نبيت و شوية جمبري و أعمل زي ما بييعملو في الأفلام اليوم ده :) .. و كنت بصلي و أقول يا رب تبقي السنة دي أحلي :) و رفعت عيني لصورة المسيح .. و فجأة سمعت صوت إنفجار .. كانت أخر اسمعها في حياتي :) .. قالولي بعد كده انهم لقو إيدي في عمارة في الدور السادس .. شوفت الناس و هي بتحاول تساعدني .. بس واضح اني كنت خلصت خالص :) .. و بصيت جمبي لقيت بنت صغيرة ميتة .. و بصيت شفت صورة المسيح الغرقانة دم .. و ماشفتش حاجة بعد كده لفترة كبييرة

فتحت عيني لقيتني في أمن الدولة .. كانو هيموتوني ضرب و تعذيب لحد ماعترف ان أنا اللي فجرت الكنيسة .. محدش سأل فيا .. لحد ما فعليا موتووني ضرب تعذييب :)


فتحت صفحتي عالفيسبوك .. و كتبت جملة صريحة .. لو بقينا 100 الف في الشارع محدش هيقدر يقف قصادنا :)

نزلت 25 يناير .. أول يوم عيني راحت من الغاز .. بعديها ب 3 ايام .. نزلت تاني .. بصيت فوق عمارة لقيت واحد بيبتسملي :) و بيهزر معايا بالليزر بتاعه و جابه علي قلبي .. و مت :) معرفش ده مين في واحد صاحبي قال ان ده من الداخلية و في واحد تاني قاللي ده بلاك ووتر .. بس هو عمل اللي عليه و ابتسملي :) .. خرجت في شارع بعديها أجري لقيت عساكر رفعتلهم ايدي .. ابتسمولي و مت :) و في اسكندرية وائل الكومي بصلي و قالي هو انتا ؟؟ و مت .. و في السويس كنت رايح احرق القسم .. و مت
و كنت قاعد في الميدان واحد بجمل داس عليا .. و مت :)

و اتضربت يوم 13 فبراير .. معرفش ليه .. و اتضربت 9 مارس .. و اتحبست 8 ابريل .. و امي نزلت تتكرم يوم 28 يونيه .. ظابط قذر قام اداها بالشلوط في بطنها .. مسكتش .. قامو موتوني تاني :)
كنت صايم في رمضان .. ضربوني و انا صايم :) بس كانو بيبتسمولي :)

و كنت بفطر مع مينا دانيال الصبح :) و نزلت معاه ماسبيرو بلييل .. ضحكلي ضحكة شرخت قلبي و إحنا تحت المدرعة :)
و كنت بعيط و انا ماسك ايد خطيبتي في المشرحة :)

و نزلت محمد محمود .. خدت البالطو بتاعي و قلت انزل اقف في المستشفي الميداني و اتحركت من الأزهر و رحت اعمل حاجة .. و موتوني مرتيين :)
و وانا واقف شفت الشناوي .. ابتسملي :) و طفي نوور عيني اللي حيلتي :)
و خلصت يومي و رحت جبت بيوميتي أدوية اديها للي في الميدان .. و مت :)

و كنت في السجن و هربت شريحة موبيل اتطمن علي أهلي .. بس عرفوا :) و حطولي خرطومين مياة بسافو .. واحد في بقي و التاني في ..... :) و مت :) قالولي ان معدتي إنفجرت :) بس شفت في ورقي في المشرحة كان مكتوب اني بلعت برشام :)
و كنت في اعتصام مجلس الوزرا .. و قلعوني هدومي :) و موتووني تاني :)

شفتوني في دخلة أهلاوي ثورجي ؟؟ طب حد سمعني و انا بقول سامع أم شهييد بتنادي .. كلاب العسكر قتلو ولادي ؟ :) و رحت بور سعييد :) .. لقيت الناس بتجري عليينا و هيموتونا .. حاولنا نجري بس البوابة كانت ملحومة :) طب حد سمعني و أنا بصرخ ؟؟ واحد مسكني حط شمروخين في جنبي :) و ضربني بالمطوة :) و رماني من فوق المدرج .. حتة كده بتاع ارتفاع 5 أدوار :) و نزل ورايا كتب علي ضهري بالمطوة بورسعيدي راجل :)

و كنت بدافع عن نفسي في منصور مت :)

و مرة قلت لأبويا ينزل معايا يجيب حقي قاللي أصل اكل العيش مر :) و سابني من غير مايجيب حقي .. و مت من القهر و العياط :)
و كتيير أوي من اصحابي زايدو عليا و أنا ميت .. قمت مت :)

ده غير الموتات اللي متها قبل كده و انا مش فاكرها :)
و زماني ميت من الحزن إني مش فاكرني :) او ميت و محدش عارفني :) بس بجد بتأسفلي :)

لو ضايقتك قبل كده ماتزعلش :) مفيش عتاب علي ميت :)

و أنا دلوقتي ميت لحين إشعار أخر :) أو اني الاقي موتة تانية :) أو ان جسمي يمووت :)

اخاف انا و اكش من ده الوش

من كام يوم زي اي حد .. سمعت عن استدعاء أسماء محفوظ - أنا اكتر انسان بيكرهها في الدنيا-
المهم سمعت خبر الاستدعاء و انا شخصيا فرحت :D

و شوية كده و انتهي الجو الطفولي بتاع أحسن .. و خدوها مبروك عليكوا #Uwk ... و الجو ده
و دورت علي الفيسبوك
و اكتشفت ان كمية الناس اللي بيت..خنقوا منها كمية لا يستهان بيها
اللي يقلها احسن عشان تبقي تعمليلي فيها شجرة الدر و اللي يقولها خلي واحد من اللي اتمحكتي فيهم في بروكسل ينفعك .. و الخ بقي

المهم فعلا عدينا المرحلة الطفولية ديه و دورنا علي سبب الاستدعاء
و ها هي بتويتة من اكثرهم تخلفاً علي موقع التواصل الاجتماعي تويتر
و لو قضائنا مش عارف ايه محدش يزعل لو طلعت جماعات مسلحة عملت سلسلسة اغتيالات .. نوع من الهراء والله
و انا شخصياً بتوقع انتقام عنيف لأهالي الشهداء لو القضية طلعت فشنك بس اكيد مش عن طريق سلسلة اغتيالات و الهتش ده
ما علينا بس الفكرة ان وجه اعتراض المعترضين كان علي الاسلوب الضعيف في الكتابة
مش عشان انها اهانة للمجلس و تحريض و العبط ده
طالما مفيش شتيمة يبقي مفيش اهانة ,, اسمه نقد  و يا ريت تفهموا ان بعد ثورة كرامة .. مفيش حد فوق النقد
و بعدين خلاااااص ؟؟ بقيتوا تتلككولنا ؟؟
فيين أيام احنا أسفين .. و مكنش قصدنا .. و اكيد عندنا رصيد يسمح ,, و شغل التعطيف و التلطيف ده
التغيير جاي جاي خلاص .. و عارفين معانا و مين علينا .. اللي معانا بندافع مهما كان ضعفه -أسماء- و اللي علينا و مش عايز غير السلطة عارفينه -حبايب قلبي بتوع مكتب الارشاد- 
عارفين مين حمي الميدان .. و مين حمي نفسه
مين انتهك ,, مين كشف عذرية  و ميين و مييين .. كل الانتهكات موجودة .. من أول ضرب الناس اللي بعتبرهم اكتر ناس بتفهم اللي مرضيوش يمشوا من الميدان بعد التنحي يوم 12/2 .. لحد استدعاء أسماء .. و زوًد عندك استدعاء اعضاء المعهد المصري الديمقراطي
انتو خلاص اتحرقتوا ,, طبعا مش هنقول الناس دي كانت بتعمل ايه لما انتو كنتوا بتعملوا ايه .. انتوا عارفين كل حاجة

و علي فكرة مبقاش ليكو رصيد عندنا

عزيزي المجلس .. أحب اقولك ان نمرة أسماء محفوظ ديه ,, كارت إرهاب تعبان فشخ ممكن يتعمل مع شعب جااحد .. قلبه ماات ,, مش هيشوف أسوأ من اللي شاافه

فيلم رعب خزعبلي لجيل مايعرفش الخوف ...

قضيتكم خسرانة !

الرأسمالية الفكرية و الثورة الصربيومصرية :P

مبدأيا بس نعرف العنوان
الرأسمالية هو نظام اقتصادي يعتمد علي بلاا بلااا بلااا
مش قصدي كده .. قصدي ان الانسان الرأسمالي هو اللي بيفكر ازاي يزود رصيده من الفلوس ايا كانت الوسيلة و ايا كانت خساير اللي حواليه
-بس الانسان اللي بيحاول يزود رصيده بس بيساعد غيره مايبقاش رأسمالي يعني-
فالرأسمالية هي كمية الفلوس اللي عندك
فالرأسمالية الفكرية هي كمية التفكير -النضيف- اللي بيبقي عند الواحد


يعني كان في فرق بين واحد في الميدان و واحد في اللجان و واحد بيولول زي النسوان

في فرق بين واحد كان في الميدان و لسه مسحول بعد الثورة و خايف علي الثورة و نزل 9 مارس و 8 ابريل و 27 مايو و 28 يونية و اعتصم 8 يوليو .. اللي هو لا مؤاخذة بقي بيجيلوا -الثورة- الشهرية و عايز مصر تبقي أحسن

و واحد من بتوع مبارك يو ويل نيفر واك الون و بعد الثورة نزل نضف تحت بيتهم و دهن رصيف و حط صورة هيل نو علي البروفيل و بعد الاستفتاء حط صورة بُل شِت  و صورته جمب الدبابة و بالحبر الفسفوري و أفتكر نفسه علي كده باز
يطير و انه بطل الثورة و حامي الميدان #buzzlightyear #ToyStory #7amyElmidan

و علي فكرة الفرق في الرأسمالية ده مش جاي من مجتمع ثري .. اطلاقا اطلاقا

ده بييجي من مجتمع متفاهم و يعرف يعني ايه حوار

يعني مثلا اللي شارك في الثورة مش بالضروري في مدرسته يكون بياكل كيتكات في الفسحة .. بس هتلاقيه كان بيملي الاستمارة بتاعت مجلس الفصل :)

في اسرة فيها واحد في ثانوية عامة عارف انه هيخش الجامعة الامريكية و مش عارف ليه .. و في اسرة فيها واحد في ثانوية عامة و بعد النتيجة بقي يلف هو و الوالد علي جامعات و قعدوا مع بعض يتناقشوا في مستقبل كل كلية و كان في جدال قوي

في رأسمالية عالية في العيلة الاولي :S
و في رأسمالية فكرية عالية جدا في العيلة التانية

العيلة التانية ممكن تبني بنت تقف في التحرير
بس العيلة الاولي ممكن تبني بنت تكلم مني الشاذلي تقولها : الحقينا يا طنط مني في بلطجية و حرامية  كتير و بابا و مودي واقفين تحت البيت بإليكتريكس و انا خايفة عليهم جداً

في ناس بتحب مبارك عشان في عهده ماشافتش واحد بدقن .. يا ولااد التيييييييت
ارحموا امي العيااانة

من الآخر بقي اللي متعود ان يجيلوا الاحسن (معارضين الثورة الهاي -الرأسماليين- ) ... هيعارض .. مش قادر يفهم ان الناس اللي هو بيخاف منهم و البلطجة و غيرهم .. اللي عملهم هو الراجل اللي في القفص .. اللي هو بيدافع عنه

و اللي متعودين ان ميبقاش ليهم اختيار (معارضين الطبقي الوسطي) اللي انا شخصيا مش فاهمهم ... ناس بتدافع عن امان مزيف و تعليم حمضان و اكل مسرطن و مياه مجاري و وجع قلب مالوش حصر يعني

دول لازم يتغيروا
انا كنت فاكر ان حزب الكنبة ده نوع من الناس اللي عاملة  عصيان مدني علي نظام مبارك .. بس طلعوا عاملين العصيان ده علي محاولة العيشة الكريمة .. عايز يعيش و خلاص و سايب حياته لحد غيره و سايب اسمه يتلعب بيه في كل حتة

الاخوان يقولوا الاغلبية الصامتة معانا و السلفيين يقولوا الاغلبية الصامتة معانا و الجيش يقولك الاغلبية الصامتة بتأيد المجلس
فوقوا بقي
و قبل ماتقول رأيك و تقول حرية و ديمقراطية ... حاول تغير من نفسك و تعرف و تسمع قبل ماتحاول انك تتكلم

و مش عيب او غلط انك تكون ضد الثورة و تبقي مع
بس الغلط هو انك تستمر في الغلط


أما بالنسبة للثورة الصربيو مصرية .. فا ده مستوحي من البيان 69 بعد ما جنرالات المجلس اتهموا 6 ابريل بالعمالة و التمويل و انهم -أجندة- صربية
لا تعليق ...6 ابريل اللي كانوا بيدوروا علي رئيس 2005 و وقفوا مع ايمن نور .... 6 ابريل اللي هاجموا النظام 2008 .. 6 ابريل اللي اقل واحد فيهم برقبة مجلس الغوازي ده .. اتهموه بالعمالة

بيتهموا مين ؟؟ 6 ابريل .. بتقولوا مين يا ولاد ؟؟ 6 ابريل ... مييييين ؟؟ 6 ابريييل
 #FoadElmohandesInSokk3alaBanatak

و فساد و وساخة و كشف عذرية و محاكمات عسكرية و تواطؤ و قمع و انتهاكات و قرف

أدعي عليكوا بإيه و انتو فيكو كل العبر و حالكو يقرف الكلب الأجرب

لحظة ندم ... بس كانت لحظة صغيرة يعني "سياسية دينية"

من كاام يوم زي اى حد سمعت عن مظاهرات السلفيين ... اقتحموا جمعية الهداية الإسلامية جامع النور و نزلوا اللي بيقول الخطبة و طلعوا يتكلموا .. متوصلناش لنص الخطبة بس جه في بالي فيلم "عمارة يعقوبيان" .. و نحن نريدها اسلامية اسلامية و عايز اختي و عايز امي و انصر دينك و الكلام اللي كلنا عارفينه ... مش دى المشكلة
المشكلة ان انا كنت فاكر ان الكلام ده كان كلام افلام من وحي خيال النظام القديم -الكافر الداعر *** علييه- بس المشكلة بقي ان الكلام ده طلع حقيقة .. و فوجئت ان السلفيين حاصروا الكاتدرائية و زهلت لما عرفت عايزين يقيلوا البابا

ظهرتوا امتي بقي ؟؟ .. و عايز تقيل البابا ؟؟ طب يا اخي كنت تورينا وشك في التحرير عشان نقيل مبارك ... بس منفعش بقي عشان في التحرير كان في رجال و نساء و ديمقراطية .. فاا حرااااام ينزلوا .... بس جاينلي بعد الهنا بسنة و يقول نقيل البابا

بس التحرير ده لغز كبير ... يعني روبي و كوكي نزلوا اروي نزلت و كلنا شفنا خالد الصاوي و عمرو واكد و احمد حاتم و عمر عابد و احمد العسيلي و هاني عادل و خالد و محمد دياب و ناس غيرهم كتيييير ... و سمعنا ان عم الكل احمد فؤاد نجم نزل و هشام الجخ و بلال فضل و سمعنا ان خالد ابو النجا كان موجوود و عمال يلعب في شعره .. و قلنا مش عيب يا حبيبي الثورة تنجح و هنعملك حزب انت و اصحابك و عيشوا حياتكو

الغريب جداً بقي اني مسمعتش عن الكابتن اللي بيقول ان المسيحيين كفرة و لو قلت غير كدة ابقي بخالف شريعتي ... ولااا حتي البوب بتاع ان الليبراليين بيعبدوا الدولار و اليورو .... ولا البرنس بتاع آكل البيض و حامله و بائعه في النار ... محدش منهم نزل ؟؟

لااالااا متوقعش ان دول كانوا في التحرير .. يعني جروبات الافراج عن المعتقلين السياسيين كان يقصد وائل غنيم .. ولا عبود الزمر
انا وقفت لمين احميه و هو بيصلي ؟؟ هشام الجخ .. ولا الشيخ يعقوب



اكييد اللي في التحرير مش مغفلين للدرجة دي



بس محدش نزل ايييه بس
محدش كاان موجوود منهم اصلاً .. هما طلعوا امتي السلفيين دول .. الله يمسيك بالخير يا حبيب يا عادلي كنت مريحنا من الاشكاال دي
هو الفكر الوهابي السخييف كان موجود ... بس مكنش ظاهر بالطريقة دي
و قمة السخافة بقي انك تلاقي ناس من المفترض انها مثقفة و متعلمة و تلاقيها عندها نفس العقلية ... اللي هما قالوا لاا للدستور بس محدش هيقرب علي المادة التانية


مدرس الاقتصاد بيقوللي يلعن ابو دي ثورة .. عكننتوا عليا و انا في آخر ايامي .. الثورة دي هتبان بعد 20 سنة كده ... اكون انا ساعتها عبده جمجمة :]
 الراجل كان بيسرق .. ايه يعني ... ياا عزيزي كلنا لصووص ... كل واحد حرامي في مجاله .. هو كان المجال قدامه واسع سرق اكتر .. تيجوا انتوا بقي تقطعوا فيه و هو بيفرفر ... مش اسلوب يعني اتقوا الله ..... يا راجل ده سفير الامارات قاعد في شرم الشيخ عشان يزور مباك كل يوم خلوا عندكوا اصل

راجل مسخرة :D

مااله صح النظام القديم .. ما كانت ماشية منها فيها و محدش بيموت من الجوع

مااله حبييب العادلي .. اييه يعني يبقي عنده 8 مليار ... اييه يعني يبقي بيجيب نسوان مقر امن الدولة
اييه يعني يفجر كنيسة ولا يدبر لنجع حماادي .. كل ده بسماح من ربنا
ما كان مدبر لتفجير عربية الانبا متاؤوس .. بس ربنا ماسمحش بكدة


يااااااه قديينا وقعنا في ايد السلفيين ... انا مضاايق اوى .... بيستفذووني مووت


و بعد مشاوارات كتيرة .. قلت انا مضايق نفسي ليه ... يعني اللي كان بيحميني من حبيب العادلي مش قادر يحمينا من السلفيين
:]  احنا كنا عايشين بالستر يا بيه


و قد اعلن اقباط مصر عن رفضهم للحماية الدولية ... لأنهم بالفعل يتمتعون بالحماية السمائية
:]

we Bardoo Hafdal Shabb Egyptian -ta7rir-ian we Fa5ouur Be kedda

Bichoy Attallah 2-5-2011

الثورة و تويتر

مبدأياً بس عاوز اوضح حاجتين مهمين .. حاجة معروفة جداً .. و حاجة مش معروفة جداً

اول حاجة اللي هي واضحة جداً و اي انسان ب 4 رجلين يقدر يقولك كده و معروفة جداً و احنا نسيناها جداً ان الثورة مخلصتش او دورها انتهي بعد 11 فبراير
ماشاء الله قواعد الفساد منتشرة بشكل جبار و الوشوش العكرة متغيرتش في اماكن كتير او حتي نفس السياسة القذرة اللي بقينا بنتنفسها اصلاً متغيرتش
النظام القديم ليه جذور قوية جداً صعب تتشال لوحدها و اعتقد ان ديه هي التهمة الاكبر للنظام القديم
و انا بتشّل لما اسمع اننا بنحاكم زكريا عزمي علشان هو عنده 5 قصور و هو المفروض يكون عنده اتنين بس
الفساد السياسي اللي العصابة عملته كاان فوق كل اي تخيل و هي دي كانت الجريمة العظمي اللي متستهلش تتأجل لحد النطق بالحكم بعد مايموتوا

تاني حاجة بقي و دي الاهم و اللي عاوز اتكلم فيها .. ان الثورة اصلاً مبتدتش 25 يناير
25ينااير ايه بس

الثورة دي في قلوبنا من زمااااان
في قصيدة من قصاايد احمد فؤاد نجم

في قاعدة قعدناها مع بعض اتكلمنا عن السياسة او عن حبس طلعت مصطفي لما كان عايز يجيب صفقة حديد من تركيا او عن محمود اسماعيل صاحب العبارة اللي قال انه رايح يتعالج في لندن و شافوه و هو في ديسكو و كان سكران طينه و عن حسين سالم و تصدير الغاز و عن حديد الدخيلة اللي بقي عز الدخيلة اللي بقي عز بس و عن الضرايب و مصلحتي اللي اولاً

الثورة كانت في كلمة مواطنة .. كنت بحس بيها لما جورج اسحق يقولنا احنا مالناش سقف

كنت بحس بيها لما كان باسم فتحي بيحكيلي علي فكرة البلوجز و انا كنت مش فاهم اي حاجة

و لما سألته في الانتخابات الجاية مين اللي هيتشرح حسني ولا جمال .. و قاللي هما الاتنين هايترموا في اقرب سلة زبالة

  و في ابتسامة ابتسمهالي لما قلتله قصيدة يا عرب :)

و لما سألته نظام زي ده ممكن يقع ؟؟ و قاللي الجملة اللي بحبها اوى .. مصر عمرها ما هتبقي الاستثناء الوحيد في تجربة التاريخ :)

لما الاقي ناس مش خايفة من امن الدولة و مستعدة تضحي بحياتها عشان مصر

حسيت بالثورة يوم 19-2-2010
يوم استقبال البرادعي

حسيت بيها في اعتصام لعمال

في يوم 6 ابريل

في مظاهرة عملها 500 واحد و ياما اتبهدلوا

في حملة طرق الابواب

في مناقشاتي مع ناصر عبد الحميد

في اغنية لمحمد اسامة

في اغنية زحمة لبلاك تيما

في صبر واحد غلبان و لسه بيحب مصر و لسه عنده امل في التغيير

في موقع شارك

في مرة لما كنت عند الحلاق و اتكلمت انا و واحد اول مرة اشوفه عن تعذيب الشرطة و سيد بلال و خالد سعيد .. و لقيته دمع و قال الشعب ده لازم يقوم قومة واحدة

شفت الثورة في ناس بتصررررررررررررررررررررررخ من الفسااد .. الفساد اللي بقي للركب اللي بقي عيني عينك !

و قلت الثورة دي هتنجح .. و قد كاان

حصل ده لماا كل دوول اتجمعوا .. لما قااموا قومة واحدة

الناس دي كانت تايهة في سكة ضلمة .. و النااس دي كلها خبطوا في بعض في الميدان

فجأة و بكل بساطة كل واحد اكتشف ان فيه ناي كتيييييييير زيه ... في نااس حاسة بنفس مشاكله و عايشة نفس مآساته
ان فيه ناس ممكن تضحي عشان مستقبل احسن لمصر و ليهم و لأسرهم و لعيالهم

العالم كله بيسأل الناس دي جت منين .. معقول في ناس بتقدر تقتل احباط سنين
معبرة اوي :)

هو ده تماماً اللي شدني في تويتر
بعمل فولو لناس شبهي .. ليها نفس الافكار نفس المبدأ نفس الهدف .. او ناس ملهاش نفس افكاري بس بحب اعرف افكارها

المهم بقي ان تويتر و حوارات تويتر و ناس تويتر و هاشتاجات تويتر هما الثورة
الثورة فعلاً في تويتر .. ده بعد رفع الثورة من الشارع يعني

ثورتنا تايهة في الفيسبوك ما بين كليب لعمر دياب و برومو البوم تامر حسني و اغنية بيت كبير من مسلسل العشق الممنوع اخراج ميدو الجن
او نجوم اف ام اللي شغالة علي الستاتس بتاعتنا
أو حتي صوّرنا اللي بقي تحتيها نشيد
كابتشرد باي فلان
ايديتد بي علان
مش عارف مين شويس
و مين آون

و حاجة تفوّر الدم وربنا

مش مهم يعني احنا خرجنا عن موضوعنا اللي هو الثورة

الثورة كان ممكن تحقق نجاح عظيم جداً لو مشيت بنفس مستوي الترابط اللي ابتدت بيه

ركز في الصور دي كويس كده

الفترة من 25 يناير لحد 11 فبراير

من 11 فبراير لحد 19 مارس

ما بعد 19 مارس .. بقينا بنتحدي بعض

شايف الثورة المصرية ؟؟
:D

حصل حاجات كتير جداً خارجة عن ارادة الثورة .. استفتاء كسر .. محاكمات عسكرية و قرف

انقسام كبير و اشتدت المنافسة مابين فريق اي سي ميدان و فريق اي اس تفتاء

ناس بتقول الانتخابات اولاً لمصالح شخصية او بلا هدف
زي اسماء محفوظ اللي قالت ان الدستور اولاً مطلب هزلي .. مش عارف هزلها ازاي لامؤاخذة ماجلناش تفاصيل كتير يعني الصراحة

ناس بتقول الانتخابات احسن نحاسب الحكومة الانتقالية و نكتب دستورنا علي مهلنا و يحكمنا مجلس شعبنا و الكلمة البوهيمية اللي معرفش استوحوها منين اللي هي الجيش يرجع لثكناته
و الدستور ينزل في حالة استقرار علشان ميبقاش في فتن و صراعات

انا ليا رأي اللي هو ان ده مجرد كلام .. الحكومة مش هتتحاسب و الجيش هو اللي هيحكم و المحاكمات العسكرية مش هتتلغي و اصلاً اصلاً مجلس الشعب مش هيعبر عننا !

و في ناس بتقول الدستور اولاً .. العقد شريعة المتعاقدين .. لازم ضمان لكل مواطن يضمنله حريته يكشي يحكم قرد بعديها


المهم جداً ان الفترة الجاية لازم نعرف ازاي نوصل تويتر و الفيسبوك المعتدل للشارع اكتر
:D حلوة الفيسبوك المعتدل ديه


المهم فعلاً اننا لازم نعرف ازاي نكمل مشوار و مطالب الثورة رغم الانقسام :)


و كده او كده .. مصر هتفضل كده

Bichoy Attallah 19-6-2011 :)

اللحيظة التي فيها قال لي انسان غبي فشخ .... انت اللي غبي فشخ

عنوان ربما يكون سخيف في وجهة نظر بعض الناس و سوف يروا ان الموضوع لا يرتقي للقراءة و لكني :) أقصد كل كلمة فيه


مش هطول لأن الجزئية اللي المفروض يقراها العقل و يحسها و اللي انا عايز اوصلها ... أكبر بكتير من شوية الكلام اللي هايتكتبوا :)

القصة كلها إن انا انسان ليا طريقة تفكير معينة ... عايش في مستوي معين ... ليا حياة و بيئة معينة ... ليا هوايات معينة ..... ليا طريقة تعبير معينة .. في لحظة معينة بقي

يييجي انساان تااااني ... عايش في مستوي تاني ... ليه حياة و بيئة تاانية ... ليه هوايات تانية .... ليه طريقة تعبير تانية ... يقول كلمة حاسسها اأو يكون عايز يقولها أو طلعت منه كداا ... سواء كان السبب اللي اتقالت عشانه الكلمة دى ... فا انا سمعتها وحسيت ان ملهااش تلاتة لازمة ... فبمنتهي الغباء قلت له ....
انت غبي فشخ


كان يتكرر هذا الموقف مراارااً و تكراارااً ولم الااحظ كمية الغباء -الفشيخة- التي تصدر مني انا في كل ردة فعل تصدر مني في هذا الموقف ولكني إستوعبت ذلك بصدمة
 !! صدمة 
 صدمة تعرضت لها في تلك اللحيظة التي فيها قال لي انسان غبي فشخ .... انت اللي غبي فشخ
:)

 ... قشطة مزعلتش فشخ يعني بس فضلت أفكر كتير جداً انا لأيه اتقالي كدا !! ... طب ليه معرفتش أرد ..بس بعد شوية مشاواراات كدا مع نفسي .. وصلت لاجابة
الاجابة هي : ان عمري ما فكرت أقدر ظروف البني ادم اللي قدامي و حياته
اني عمري ما فكرت احتويه ااااااه احتويه .. و للاسف عمرنا ماتعودنا نحتوى بعض ... عندنا أزمة احتوااء رهيبة ... أزمة شنييييييعة

ابتدت لما الدول المتقدمة  رفضت تحتوي الدول النامية ... وإدتها فرصة سخيفة تحسن اقتصادها من 1995-2005 وعملت اتفاقية التربس ... فزاااادت الفجوة و اصبح تطبييق العولمة بقي صعب

لما الطبقة المتعلمة ماحتوتش الطبقة الامية فبقت نسبة الاميين في بلدنا %40

لما مقدرناش نحتوي اطفال الشوارع فكتروا بعدد مهول و بقي عندنا كمية من السفاحين و البلطجية لا يستهاان بيها

لما الطبقة المثقفة بعد الثورة اتكلموا مع بعض بس و محدش فكر يحتوي الطبقة الغير مثقفة ... فبقي 77,2% راحوا يقولوا نعم للدستور من غير وعي لاسباب دينية

لما مقدرناش نحتوي انسان بجلابية كان كل حلمه يسلم علي لعيبة الزمالك و نزلنا فيه تريقة  فبقي شكلنا وحش قداام العالم كله علي المنظر الغير متحضر

!! :@ و لو مقدرناش نحتوى بعض كمصريين الفترة اللي جاية .. ممكن تتسرق ثورتنا


الموضووع كٍبر جداً ... بس انا حبييت افكرك

-Tc Ya bbe Lama tet3amel Ma3 el Bashar :) .. La To2a3 fi 7ad u think eno 3'aby Fash555 .. Yesdeemakk we ye2olaak el 7a2ii2a el morraa .. En Enta Elii 3'aby Fash55-

بقييت واحد من اللي استسخفوا العنوان و قررت اغيره الى

  :) احتواااء

Bichoy Attallah 7-4-2011

الحقن الطائفى

مبدئياً بس الحقن ده مصطلح يحمل معنى و الفتنة دى مصطلح يحمل معني اخر تماماً
حاجة زى الانفعالات و الدوافع كده ... الحقن ممكن ميسببش فتنة بس الفتنة اساسي هتسبب حقن

الحقن ده اصلاً حاجة عاملة زي الساعة الترابية ... بتنزل نقطة نقطة ... بنبني عمارة بنحط طوبة طوبة

 طوبة بتاعت انى مجبش شيبسي من كشك عم محمد و اجيب من كشك عم منير
و رملة بتاعت ... ماما انا بلعب في الفسحة مع طارق ... لاااا ياحبيبي العب مع مينا
و رملة لما ماكلش السندوتشات بتاعتي في الفسحة في رمضان ... و افاجأ بواحد صاحبي بيغتصب ميكس بالشوكولاتة و انا في الصوم الكبير

لازم نلغي الفسح علشان نمنع الحقن :]

و في مسبباات اكتر بكتير

اكبرها اننا مبنكلمش بعض في الدين مثلا ... فانا اخد فكرة عنك انك انسان غبي و همجي .. و انت تاخد فكرة عني اني كافر و بعبد تلاتة
اننا بنتكلم في السياسة من منظور ديني

اننا نقول طب ايه لازمة اللي انا كاتبه ده ... ياعم و احنا عمرنا اتكلمنا في الموضوع ده ... ماهو مش عيب اننا نتكلم في الموضوع ده يعني
ان واحد يقول ياعم الكنائس مش متأمنة .. مش عارفين نبني كنائس ... و واحد يقولك في ايه يا عم دول واكلين البلد .. انتا عمرك شفت شحات مسيحي ... دا ناقص يمشوا عسكري ورا كل واحد مسيحي

اننا منحطش نفسنا مكان بعض ... يعني لو كنت حطيط نفسي مكانك وقت الصور المسيئة للرسول وكنت حطيط نفسك مكاني و انت رايح قداس العيد خايف في ثانية تلاقي نفسي حتت ... او انك تموت مدبوح و محروق و انت بتدافع عن مكان عبادتك

او انك تسمع حقائق مهينة ليك ... و مش هقول اى حاجة هنا علشان الناس بتقول ان انا داخل شمال جامد اليومين دول

انا لما فكرت انزل ماسبيرو عموماً ... كنت نازل ادافع المواطنة ماكنتش نازل ادافع عن الكنيسة ... الكنيسة قادرة تدافع عن نفسها .. بس ده ميقللش اني بغيير علي كنيستي جداً

ولما رفضت فكرة الزحف افسطين علشان مصر كانت أولي .. لا بنينا بلدنا علشان نروح نحرر فلسطين ولا حتي هدمنا النظام القديم

الخلاصة ان وجود كتير من مسببات الحقن مع وجود تعليم .. مش هيعمل مشكلة .. بس ممكن يربي كره
و وجود مسببات وهمية مع جهل .. سهل جداً يعمل كارثة

الكبت عمره ماهيحل مشكلة احتقان
الوعي و الفهم والمناقشة اعتقد ممكن يحلوها

عموماً علي ماتتحل ندعي لمصر تبقي بلد احسن
:)

15-5-2011